Kostenko shahtasyndaǵy apat: Kinálilerge qatysty tergeý júrip jatyr

<p>Úkimet basshysy Álıhan Smaıylov Kostenko shahtasynda bolǵan apat boıynsha kináliler tergelip, jaýapqa tartylatyny týraly aıtty, dep habarlaıdy <a href="https://kaz.inform.kz/" target="_blank" rel="noopener">Kazinform.&nbsp;</a></p>

«Kináli adamdarǵa qatysty tıisti tergeý júrip jatyr. Árıne, barlyq kináli adam jaýapqa tartylady. Eske salsaq, ótken jyly qarashada da qaıǵyly oqıǵa bolǵan edi. 4 kenshi qaza tapty. Ol boıynsha tergeý aıaqtaldy. Qazir aıyptylar ispen tanysýda jáne jaqyn arada is sotqa jiberiledi. Bıyl tamyzda taǵy qaıǵyly oqıǵa boldy. Bul joly 5 kenshi mert boldy. Qazir tergeý sharalary júrgizilip jatyr», - dedi Álıhan Smaıylov Májilistiń jalpy otyrysynan keıin BAQ ókilderiniń saýalyna jaýap bere otyryp.

Premer-Mınıstrdiń málimdeýinshe, Kostenko shahtasyndaǵy apat boıynsha jan-jaqty tergeý júrip, kináliler jaýapqa tartylady.

«Sheneýnikterge kelsek, olar da tergeýge alynady. Úkimet jaýapkershilikti sezinedi. Osy múmkindikti paıdalana otyryp, qaza tapqandar men zardap shekkenderdiń otbasylaryna taǵy da kóńil aıtqym keledi jáne keshirim suraımyz. Bárimiz de ishinara jaýap beremiz», - deıdi Úkimet basshysy.