«Kostenko» shahtasyndaǵy apat boıynsha aıyptalǵandardyń aty-jóni belgili boldy

<p>Tótenshe jaǵdaılar mınıstri Syrym Sháriphanov &laquo;Kostenko&raquo; shahtasyndaǵy apatqa qatysy bar dep aıyptalǵan adamdardyń aty-jónin aıtty, dep habarlaıdy <a href="Kazinform." target="_blank" rel="noopener">Kazinform.</a></p>

«Bul — qatardaǵy jumysshylar emes, tikeleı jaýapkershilik arqalaıtyn ınjenerlik-tehnıkalyq personal. Bul — jaýapty laýazymdy tulǵalar. Olar da, materıaldar da tergeý organdaryna berildi. Kinásin sot anyqtaıdy. Jekelep aıtsaq, bas dırektor ıAblonskıı, personal jónindegi dırektor Vınokýrova, Belyı myrza, «ArselorMıtttal Temirtaýdyń» kómir departamentiniń atqarýshy dırektory Ogaı jáne basqalar», - dedi Syrym Sháriphanov.

Eske salsaq, 28 qazan saǵat 2:33-te Qaraǵandy oblysyndaǵy Kostenko atyndaǵy shahtada apat boldy. Apat kezinde shahtada 252 adam bolǵan, jer betine 205 shahter shyǵaryldy.

Qazaqstan Prezıdenti Qasym-Jomart Toqaev qaza tapqan kenshilerdiń týǵan-týystary men jaqyndaryna kóńil aıtyp, zardap shekkenderdiń tezirek saýyǵyp ketýin tiledi. Úkimetke kenshilerdiń otbasylaryna barlyq qajetti kómek kórsetýdi tapsyrdy. Oqıǵanyń mán-jaıyn anyqtaý úshin úkimettik komıssııa quryldy. Sondaı-aq, «ArselorMıttalTemirtaý» kompanııasymen ınvestıtsııalyq yntymaqtastyqty toqtatý tapsyryldy.

9 jeltoqsanda shahtadaǵy jarylysqa ulasqan órttiń sebepterin tekserý jónindegi Úkimet komıssııasynyń qorytyndy otyrysy ótti. Komıssııa jumysynyń qorytyndysy boıynsha jumys berýshiniń kinási 100% anyqtalyp, jumysty qaýipsiz oryndaý talaptaryn buzǵan 19 jaýapty tulǵa anyqtaldy.