Kostenko shahtasyndaǵy apat: Ánshi Dımash jas balasy bar 20 otbasyǵa 20 mıllıon teńge aýdardy

<p>Ánshi Dımash Qudaıbergen shahtada ákeleri qaıtys bolǵan, kámelettik jasqa tolmaǵan balalary bar 20 otbasyǵa 20 mıllıon teńge aýdardy, dep habarlaıdy <a href="https://kaz.inform.kz/" target="_blank" rel="noopener">Kazinform</a>.&nbsp;</p>

Qaraǵandydaǵy Kostenko shahtasynda qaza tapqan 46 azamattyń artynda qalǵan otbasylaryna memleket te, jeke kásipkerler de qolushyn sozyp jatyr.

Áıgili ánshi Dımash Qudaıbergen de osy otbasylarǵa qaıyrymdylyq jasaýdan qalys qalǵan joq. Ol sol apatta ákeleri qaıtys bolǵan, kámelettik jasqa tolmaǵan balalary bar 20 otbasyǵa 1 mıllıon teńgeden aýdardy.

Aıta keteıik, 28 qazan saǵat 02:33-te Qaraǵandy oblysyndaǵy Kostenko atyndaǵy shahtada apat bolyp,  46 kenshi qaza tapty. 

Osy qaıǵyly oqıǵaǵa baılanysty Qazaqstanda 29 qazan Jalpyulttyq aza tutý kúni bolyp jarııalandy.