Kostenko shahtasynda qaza tapqan 42 kenshiniń týystary marqumdardy jerleýge materıaldyq kómek aldy

<p>Kostenko shahtasynda qaza tapqan kenshilerdiń otbasylaryna barlyq qajetti kómek kórsetilip jatyr. 42 otbasy jerleýge materıaldyq qoldaý aldy jáne 41 otbasyna 10 jyldyq jalaqy tólendi. Qalǵandary boıynsha áli de jumystar júrgizilip jatyr. Bul týraly Qaraǵandy oblysynyń ákimi Ermaǵanbet Bólekpaev Óńirlik kommýnıkatsııa qyzmetiniń alańynda málim etti, dep habarlaıdy <a href="https://kaz.inform.kz/" target="_blank" rel="noopener">Kazinform</a> tilshisi.&nbsp;</p>

Óńir basshysynyń aıtýynsha, búginde Kostenko shahtasynda qaza tapqan kenshiler otbasylarynyń basym bóligine qajetti materıaldyq kómek kórsetildi. Ol qaıǵyly oqıǵadan keıin barlyq otbasyǵa barǵanyn jetkizdi.

«Memleket tarapynan barlyq qajetti kómek kórsetildi. Búgingi tańda 46 otbasy BJZQ-dan jerleýge birjolǵy tólem qujattaryn rásimdedi. 42 otbasyna tólem óteldi, qalǵandary boıynsha qazir jumys jalǵasyp jatyr. Asyraýshysynan aıyrylý jaǵdaıy boıynsha 20 otbasyna memlekettik-áleýmettik járdemaqy taǵaıyndaldy. Sonymen qatar qaza tapqan kenshilerdiń otbasylaryna taǵy da qoldaý kórsetiledi», - dedi Ermaǵanbet Bólekpaev.

«ArselorMıttal Temirtaý» kompanııasy tarapynan 41 otbasyna 10 jyldyq jalaqy tólendi. Qalǵan beseýine qatysty qujattardy rásimdeý áli de jalǵasyp jatyr. Sondaı-aq kompanııa qaza tapqan kenshilerdiń, olardyń jubaılarynyń, ata-analary men balalarynyń nesıelerin ótedi. Budan basqa, «AMT» marqumdardyń otbasylaryna januıadaǵy árbir múshesi úshin 18 m2 paıdaly alań esebinen páter satyp alýǵa, saqtandyrý tólemderin, 23 jasqa deıingi joǵary oqý oryndarynda oqý aqysyn tóleýge mindettenedi. Bul tólemder osy jyldyń qarasha aıynan bastap tólene bastaıdy.