Kostenko shahtasynda qaza bolǵan kenshiler jumysqa kirý úshin nesıe alyp, para bergen be

<p>Premer-Mınıstrdiń orynbasary Tamara Dúısenova Úkimet otyrysynan keıingi baspasóz konferentsııasynda &laquo;ArsellorMıttal Temirtaý&raquo; AQ kómir departamentiniń bas dırektory mindetin atqarýshy Vadım Basınniń aınalasyndaǵy daýly málimetke pikir bildirdi, dep habarlaıdy <a href="https://kaz.inform.kz/" target="_blank" rel="noopener">Kazinform</a> agenttigi.</p>

«El jazyp jatyr, ózińiz de shahterlerdiń áıelderiniń aıtqanyn estigen shyǵarsyz. Kenshiler shahtaǵa jumysqa kirý úshin nesıe alǵan degen málimet bar. Ol shemany týra osy Vadım Basın oılap tapqan delinedi. Osy máseleniń túbine jetesizder me? Úkimet tarapynan Antıkordyń tekserý júrgizýin talap etesizder me?» dep surady jýrnalıst.

Tamara Dúısenova bul jaǵdaı úkimettik komıssııanyń jumysy qorytyndylanǵan kezde naqty belgili bolatynyn aıtty.

«Eńbek ınspektsııasy úkimettik komıssııa quramyna kirdi. Ol ınspektsııa tártip boıynsha mindetti túrde jumys júrgizedi. Biraq Vadım Basın týraly eshteńe aıta almaımyn. Ol tekserýden keıin belgili bolatyn shyǵar», — dedi vıtse-premer.

Eske salsaq, Kostenko shahtasyndaǵy 46 kenshiniń ómirin jalmaǵan apattan keıin Vadım Basın «ArsellorMıttal Temirtaý» AQ kómir departamentiniń bas dırektory mindetin atqarýshy bolyp taǵaıyndalǵan edi.