Kostenko shahtasynan 46-shy kenshiniń denesi tabyldy

<p>Keshe keshke taý-ken qutqarýshylary jýyrda apat bolǵan Kostenko atyndaǵy shahtadan 46-shy kenshiniń denesin tapty. Ony shamnyń batareıasyndaǵy jeke nómiri arqyly tanydy, dep habarlaıdy Kazinform agenttiginiń tilshisi.</p>

Keshe keshke Kostenko shahtasynda taý-ken tazartý kenshisi Prokýdın Aleksandr Valerevıchtiń denesi tabyldy. Ol qaza bolǵan 46 shahterlerdiń biri boldy. Buǵan deıin TJM onyń denesiniń bir bóligi tabylǵanyn habarlaǵan bolatyn. Alaıda saraptama qajet boldy. Sondyqtan 46-shy kenshi týraly resmı túrde esh habar bolǵan joq.

"6 qarasha kúni saǵat 20:00-de Kostenko atyndaǵy shahtadan qaza tapqan 46-shy shahterdiń denesi tabylyp, jer betine kóterildi. Qajetti saraptamalar júrgizildi. Іzdestirý jumystaryna "Kásibı áskerı avarııalyq-qutqarý qyzmetteriniń respýblıkalyq ortalyq shtaby" JShS Qaraǵandy fılıalynyń taý-ken qutqarýshylary jumyldyryldy. Іzdeý jumystary táýlik boıy júrgizildi",-dep habarlady Qaraǵandy oblysy ákiminiń baspasóz qyzmeti.

Shahtanyń qyzmetkerleri habarlaǵandaı, sońǵy qaza tapqan kenshini shamnyń batareıasyndaǵy jeke nómirinen tanyǵan.

"Іzdeý jumystary qıyn jaǵdaıda júrgizildi. Deneni alyp shyǵý óte qıyn boldy. Onyń keýdesinde jeke nómiri jazylǵan shamnyń batareıasy boldy. Qazir krımınalıster jumys isteýde. Saraptama júrip jatyr", - dedi Kostenko atyndaǵy shahtanyń úńgileý jónindegi bas ınjenerdiń orynbasary Vladımır Gonochenko.