Kostenko shahtasyn qalpyna keltirýge 2 jarym aı ýaqyt kerek

<p>&laquo;ArselorMıttal Temirtaý&raquo; kompanııasynyń 4 shahtasy ýaqytsha jumys istemeı tur. Bul týraly Qaraǵandy oblysynyń ákimi Ermaǵanbet Bólekpaev Ortalyq kommýnıkatsııalar qyzmetinde aıtty, dep habarlaıdy <a href="https://kaz.inform.kz/" target="_blank" rel="noopener">Kazinform </a>agenttigi.</p>

«Qazirgi tańda «ArselorMıttal Temirtaýdyń» 8 shahtasynyń tórteýi jumys istep tur. Belgili sebeppen «Qazaqstan» shahtasynda apat bolǵan, ol toqtap tur. Ol jerde áli órt sóndirý jumystary júrip jatyr», - dep jaýap berdi óńir ákimi tilshi suraǵyna.

Ákimniń aıtýynsha, Kostenko shahtasynda arnaıy komıssııa jumys isteýde.

«Komıssııa jumysyn aıaqtaǵan soń, ruqsat bergen soń ǵana shahtada qalpyna keltirý jumystary bastalady. Mamandardyń aıtýynsha, Kostenko shahtasyn qalpyna keltirýge 2-2,5 aı ýaqyt kerek. Bul rette eshqandaı shahtany jabý josparda joq ekenin aıtqym keledi», - dede E. Bólekpaev.

Buǵan deıin oblys ákimi Kostenko shahtasynda mert bolǵan 46 kenshiniń týystaryna qandaı tólemder berilgenin túsindirgen edi.