Kostenko shahtasynda qaza bolǵandar sany 45-ke jetti

<p>Qaraǵandy oblysynyń Kostenko shahtasynda qaza tapǵandar sany 45-ke jetti dep habarlaıdy <a href="https://kaz.inform.kz/" target="_blank" rel="noopener">Kazinform</a> QR Tótenshe jaǵdaılar mınıstrliginiń <a href="https://t.me/qr_tjm/7891" target="_blank" rel="noopener">baspasóz</a> qyzmetine silteme jasap.</p>

Saǵat 20.00-degi jaǵdaı boıynsha 45 adamnyń denesi tabyldy, 1 kenshini izdeý jalǵasýda.

Jumystar bir-birinen shamamen 6 km qashyqtyqta ornalasqan eki óndirý ýchaskesi aýdanynda júrgizilýde.

Kenshiler ornalasýy múmkin yqtımal ýchaskelerge taý-ken qutqarýshylarynyń ótýiniń barlyq múmkin joldary pysyqtalýda.

Apattyń boljamdy epıtsentrin tekserý úshin TJ mınıstri Syrym Sháriphanov shahtaǵa tústi.

Tekserý barysynda órt pen jarylystyń áserine ushyraǵan qazbalar qaraldy, onda:
- shahta jabdyǵynyń buzylýy jáne jyljýy;
-metall-arkaly bekitý elementterindegi shań shógindileri;
- jeldetý qurylystarynyń zaqymdanýy anyqtaldy.
Kózge kórinetin janý oshaqtary joq, gaz jaǵdaıy qalypty.

Sonymen qatar, Syrym Sháriphanov avarııany tergeý jónindegi Úkimettik komıssııa múshelerimen otyrys ótkizdi.

Jumystardy jan-jaqty qamtamasyz etý Tótenshe jaǵdaılar mınıstriniń jeke baqylaýynda. Jumys jalǵasýda.

Aıta keteıik, 28 qazan saǵat 02:33-te Qaraǵandy oblysyndaǵy Kostenko atyndaǵy shahtada apat boldy.

29 qazan Qazaqstan Respýblıkasynda Jalpyulttyq aza tutý kúni bolyp jarııalandy.