Kostenko atyndaǵy shahtadaǵy órttiń vıdeosy – feık - Qaraǵandy oblysynyń ákimdigi

<p>Messendjerler men áleýmettik jelilerde Qaraǵandyda Kostenko atyndaǵy shahtada túsirildi degen órttiń vıdeosy tarap jatyr. Bul jalǵan aqparat, dep habarlaıdy Kazinform <a href="https://stopfake.kz/kk/archives/20813" target="_blank" rel="noopener">stopfake.kz</a> saıtyna silteme jasap.</p>

«Áleýmettik jelilerde Kostenko atyndaǵy shahtada bolǵan oqıǵanyń vıdeosy tarady. Bul vıdeo shyndyqqa sáıkes kelmeıdi, dep resmı túrde málimdeımiz. Resmı derekkózderge ǵana senip, jalǵan aqparat taratpaýlaryńydy suraımyz», – dep habarlady Qaraǵandy oblysynyń ákimdigi.

Bul vıdeo Qazaqstanda túsirilmegen. Ol birneshe jazbadan turady. Olardyń biri Jelide 2022 jyldyń maýsymynda taraǵan. Vıdeoda Sevılıada (Ispanııa) Dos- Ermanastaǵy alıýmınıı zaýytynda bolǵan órt kórsetilgen.

Al aq-qara kadrlar – bul 2014 jyldyń mamyrynda Túrkııanyń Soma qalasyndaǵy shahtada arty órtke ulasqan jarylys kezinde beınebaqylaý kameralaryna túsip qalǵan kadrlar.

Taǵy bir vıdeoda Qytaıdyń Shansı provıntsııasynda Lýlıan kómir shahtasynda bolǵan apat kórsetilgen.

«Taralǵan vıdeonyń Qazaqstanǵa qatysy joq»,-delingen habarlamada.