100 paıyz jumys berýshiniń kinási: Kostenko shahtasyndaǵy apatty tergeý komıssııasy jumysyn aıaqtady

<p>Senbi kúni, 9 jeltoqsanda Qaraǵandy oblysyndaǵy Kostenko atyndaǵy shahtadaǵy jarylysqa ulasqan órttiń sebepterin tekserý jónindegi Úkimet komıssııasynyń qorytyndy otyrysy ótti.</p>

Bul týraly Kazinform QR Tótenshejaǵdaılar mınıstrliginiń baspasóz qyzmettine silteme jasap habarlaıdy.

Qazaqstannyń, qıyr jáne taıaý shetelderdiń ǵylymı-zertteý jáne saraptamalyq uıymdaryn tarta otyryp, tehnıkalyq qujattamany, aıǵaqtardy jáne basqa materıaldardy zerdeleý boıynsha egjeı-tegjeıli jumystar júrgizildi.

Nátıjesinde, órt jáne metan-aýa qospasynyń odan ári jarylýy qyrǵysh konveıer elementteriniń soqqysy men úıkelisinen paıda bolǵan mehanıkalyq ushqynnan gaz (metannyń) tutanǵany anyqtaldy. Gazdyń ózi astyńǵy tósemeden bólingen.

Komıssııa ónerkásiptik qaýipsizdik talaptarynyń buzylǵanyn da anyqtady. Atap aıtqanda, jumystyń tolyqqandy uıymdastyrylmaýy jáne qaýipti óndiristik faktorlarǵa qajetti óndiristik baqylaýdyń joqtyǵy ataldy. Olardyń qataryna turaqty shahtalarda shań men jarylysqa qarsy sharalardy oryndaý da jatady.

Komıssııa jumysynyń qorytyndysy boıynsha jumys berýshiniń kinási 100% anyqtalyp, jumysty qaýipsiz oryndaý talaptaryn buzǵan 19 jaýapty tulǵa anyqtaldy.

Eńbek zańnamasyna sáıkes tergeý materıaldary quqyq qorǵaý organdaryna berildi.