Kostenko atyndaǵy shahtada bolǵan oqıǵalardy tergeý jalǵasyp jatyr – Bas prokýratýra

<p>Vedomstvoaralyq jedel-tergeý toby &laquo;ArselorMıttal Temirtaý&raquo; AQ Kostenko atyndaǵy shahtasynda bolǵan oqıǵalardy tergeýdi jalǵastyryp jatyr. Bul týraly Bas prokýratýra málimdedi, dep habarlaıdy <a href="https://kaz.inform.kz/" target="_blank" rel="noopener">Kazinform.&nbsp;</a></p>

Jergilikti orynda úılestirýdi Bas prokýrordyń birinshi orynbasary júzege asyryp jatyr. Gaz-metan qospasynyń jarylýynyń sebebin anyqtaý maqsatynda shahtaǵa túsý arqyly oqıǵa ornyn alǵashqy tekserý júrgizildi.

Aýysym qyzmetkerlerinen, «AMT» Kómir departamentiniń basshylary men jaýapty qyzmetkerlerinen jaýap alyndy. Birqatar sot saraptamalary, onyń ishinde jarylys-tehnıkalyq, bıologııalyq, genomdyq-molekýlalyq jáne t.b. taǵaıyndaldy. Kenshiler eńbeginiń qorǵalýynyń materıaldyq qamtamasyz etilý talaptaryna sáıkestigin tekserý jáne qorytyndy berý úshin memlekettik aýdıt mamandary men basqa da sarapshylar tartyldy.

Shahtada jumystardy uıymdastyrýǵa jáne qaýipsizdik tehnıkasyn qamtamasyz etýge arnalǵan qujattamar alynyp, taldaý júrgizilip jatyr. Ózge de qajetti is-sharalar ótkizilýde. Kináli tulǵalardyń is-áreketterine tıisti quqyqtyq baǵa beriletin bolady. Zardap shekkender men týystarynyń qatysýymen ótkiziletin tergeý áreketteri olardyń densaýlyq jaǵdaıy jáne jerleý rásimderin ótkizý qajettiligin eskere otyryp júrgiziletin bolady.

Tergeý jalǵasyp jatyr. Qylmystyq is Bas prokýrordyń baqylaýynda. Ózge aqparat Qazaqstan Respýblıkasy Qylmystyq protsestik kodeksiniń 201-babyna sáıkes jarııa etýge jatpaıdy.