Qostanaılyqtardy qorqytqan nysannyń ne ekeni belgili boldy

QOSTANAI. QazAqparat - Qostanaılyqtardy alańdatqan aspandaǵy belgisiz nysan týraly QR Qorǵanys jáne aeroǵarysh ónerkásibi mınıstrliginiń baspasóz qyzmeti resmı habarlama jasady, dep habarlaıdy QazAqparat HAA tilshisi.

Turǵyndar 26 qyrkúıek kúni áleýmettik jelidegi «Tıpıchnyı Kostanaı» paraqshasyna aspanda ushqan nysannyń sýretin jarııalady. Osy kúni keshke «Kapýstın ıAr» polıgonynan «Topol» qurlyqaralyq ballıstıkalyq zymyranynyń synaq túrinde ushyrylǵany habarlanǵan. Rasynda da bul qubylys reseılik zymyran ushyrylǵan soń paıda bolypty.

«Ballıstıkalyq zymyrandardyń ushyrylýy jóninde qazaqstandyqtarǵa aldyn ala aqparat taratý múmkin emes. Bul Reseı Federatsııasy qarýly kúshteriniń jeke quzyryndaǵy sharýa. Qandaı da bir shabýyl nemese memlekettik shekara erejelerin buzý áreketi emes», - delingen QR Qorǵanys jáne aeroǵarysh ónerkásibi mınıstrliginiń baspasóz qyzmeti habarlamasynda.