Qostanaılyqtar memqyzmetterdi sms-habarlamalar arqyly alady

QOSTANAI. QazAqparat - «Azamattarǵa arnalǵan úkimet» memlekettik korporatsııasy Qostanaı qalasynda halyqqa qyzmet kórsetetin tsıfrlyq ortalyǵy memlekettik qyzmetterdiń berilý aıasyn keńeıtti, dep habarlaıdy QazAqparat ortalyq dırektorynyń orynbasary Rýslan Qalmuratovqa silteme jasap.

Respýblıkadaǵy tórtinshi HQO Qostanaı oblysynda ashylǵanyn habarlaǵanbyz. Bul jerde azamattar memlekettik qyzmetterdi ózdiginshe, operatordyń kómeginsiz ala alady.

Jalpy Qazaqstanda memqyzmet reestrinde 741 qyzmet túri tirkelgen. Onyń 598-in «Azamattarǵa arnalǵan úkimet» memlekettik korporatsııasy arqyly alýǵa bolady. Al 454 qyzmet elektrondy úkimet portalynda qoljetimdi.

«Tsıfrlyq Qazaqstan» baǵdarlamasynyń sheńberinde biz turǵyndardyń memlekettik qyzmetterge ózdiginen qol jetkizýge úırete bastadyq. Bul jumys kezeń-kezeńimen júzege asady. Qyzmetterdiń deni elektrondy tsıfrly qoltańba arqyly alynady. Munan bólek 40-tan astam qyzmetke uıaly telefon arqyly qol jetkizýge bolady. Naqtyraq aıtqanda, qajetti málimetke ıe bolǵyńyz kelse, ótinim jasaısyz. Sodan soń  telefonyńyzǵa bir rettik qupııasóz túsedi. Qujat alýdyń ekinshi ádisi sms-habarlamalar arqyly júzege asady», - dedi HQO dırektorynyń orynbasary Rýslan Qalmuratov. 

Qyzmetterdi egovkzbot telegramm boty arqyly da alý tıimdi ári jyldam. Ótken 10 aıda memlekettik korporatsııanyń oblystyq fılıaly azamattarǵa 1291038 qyzmet kórsetse, onyń 626206-sy - elektrondy. Sondaı-aq, 234685 elektrondy tsıfrly qoltańba berildi.

Aıta keteıik, jańadan ashylǵan HQO-da tsıfrlyq saýattylyqty arttyrýǵa arnalǵan oqý bólmesi jabdyqtalǵan.