Qostanaılyq jasotandyqtar Joldaýdy qalaı qabyldady
«Jas Otan» jastar qanaty oblystyq fılıalynyń tóraǵasy Álibek Muhamedjanovtyń aıtýynsha, Qostanaı oblysynda 185 myń jas bar. 77 jastardyń úkimettik emes uıymdary tirkelgen. Onyń 39-y Qostanaı qalasynda. Jas óskindi patrıottyq turǵyda tárbıeleıtin 38 áskerı klýb ashyldy.
«Biz úshin bıylǵy Joldaýdyń basty ereksheligi - Jastar jylynyń qabyldanýy. Jastar saıasatyn júzege asyrý maqsatynda osy jyly 220 mln teńge qarjy bólindi. Degenmen, atqarýshy bılikten bul qarajatty áli de ulǵaıtýdy surap otyrmyz. Óıtkeni, 2019 jylǵa josparlanǵan mádenı-buqaralyq is-sharalar kóp. Joldaýdan soń úkimettik emes uıymdardyń basshylary, eriktiler, jastar kóshbasshylary ózderiniń usynystaryn aıtyp, tyń bastamalardy qolǵa alýǵa daıyn. Elbasymyz aıtqandaı, Qazaqstannyń baǵyndyratyn bıikteri áli alda. Menińshe, el bolyp jetistikterge jetýge jastar aıtarlyqtaı úles qosady», - deıdi Álibek Muhamedjanov.
Elbasy osy Joldaýda óńirlik deńgeıdegi rezervterdi taýyp, buqaralyq sport pen dene shynyqtyrýdyń qoljetimdiligin arttyrý qajet ekenine toqtaldy.
«Prezıdentimiz Úkimetke jáne ákimderge kem degende 100 dene shynyqtyrý-saýyqtyrý keshenin salýdy tapsyrdy. Soǵan baılanysty Rýdnyıda «Futsal Arena» kesheniniń qurylysy bastaldy. Jaqynda Qostanaıdaǵy Kúshtik sport akademııasy qoldanysqa berildi. Fýtbol bazasy da aıaqtalyp qaldy. Buǵan ár aýlada ornatylǵan Workout alańdaryn qosyńyz. Jalpy, qazirgi kezde jastarǵa barlyq jaǵynan qoldaý bar. Sondyqtan jastardy erinbeı, el damýyna úles qosýǵa shaqyramyn!» - dedi Álibek Muhamedjanov agenttik tilshisine.
Oblys ákimdiginde Elbasynyń Qazaqstan halqyna Joldaýyn talqylaýǵa arnalǵan aktıv jınalysy ótken bolatyn.
Oblys ákimi Arhımed Muhambetov jastar saıasatyn iske asyrý boıynsha qosymsha qarajat qarastyrýdy orynbasary Erlan Spanovqa júktedi.