Qostanaılyq tártip saqshylary eki kúnde 18 shetel azamatyn elden shyǵardy

QOSTANAI. QazAqparat - «Nelegal - 2022» jedel-profılaktıkalyq is-sharasynyń eki kúninde polıtseıler 18 sheteldikti elden shyǵaryp, kóshi-qon zańnamasyn buzýdyń 100-den astam faktisin anyqtady, dep habarlaıdy QazAqparat.

Kóshi-qon qyzmetkerleri elde Ózbekstan Respýblıkasy 32 azamatynyń zańsyz eńbek etip júrgenin anyqtady.

«Qostanaı oblysyna qarasty Denısov aýdanynda ruqsat qujattarynsyz jol jóndeý jumystaryn júrgizgen Ózbekstannyń 13 azamaty anyqtaldy. Basqa jaǵdaılarda, Ózbekstan azamattary bolyp tabylatyn 10 jáne 9 adam Rýdnyı qalasynyń sý qubyryn jóndeý jáne Lısakov qalasyndaǵy qurylys alańynda zańsyz eńbek etip júrgen. Barlyq jaǵdaıda zańbuzýshylarǵa qatysty materıaldar sheshim shyǵarý úshin sotqa joldandy. Shetel azamattaryn jumysqa alǵan jumys berýshiler de jazalandy», - deıdi polıtseıler.

Tártip saqshylary zańsyz mıgranttardy anyqtaý jumystaryn 4 shildege deıin jalǵastyrady.