Qostanaılyq seriktestik kópbalaly anaǵa páter alyp berdi

QOSTANAI. QazAqparat- Búgin, halyqaralyq otbasy kúni «Agroholdıng «Astyq ındýstrııasy» JShS Qarabalyq aýdanynda kópbalaly anaǵa úsh bólmeli páterdiń kiltin tabys etti, dep habarlaıdy QazAqparat.

Qarabalyq aýylynyń turǵyny Aınagúl Taıypovanyń tórt balasy bar. Úlkeni - on jasta, kishisine - bir jarym jyl. Ol osy ýaqytqa deıin 30 000 teńgege páter jaldap turǵan. Endi otbasy kúni Qarabalyq ortalyǵyndaǵy abattandyrylǵan páterge ıe boldy.

«Páterge gaz, ystyq jáne sýyq sý kirip tur. Balalar da rıza. Olardyń óz bólmeleri bolady. Aýlada baý-baqsha egýge múmkindik jasalǵan»,- deıdi páter ıesi.

Aınagúl Taıypova aýyldyń qoǵamdyq jumystaryna únemi qatysady. Qazir aspazdyq bilim alyp jatyr. Al 1 sáýirden bastap Aınagúl ataýly áleýmettik kómek pen balalarǵa arnalǵan járdemaqyny turaqty túrde alady.

Kópbalaly anaǵa páter kiltin «Agroholdıng «Astyq ındýstrııasy» JShS dırektorynyń orynbasary Nurbolat Qutkýjaev tabys etti. Onyń sózinshe, búginde jergilikti bılik pen bıznes sektordyń arasynda yntymaqtastyq qalyptasqan.