Qostanaılyq polıtseıler jaıaý adamdy qaǵyp, qashyp ketken júrgizýshini quryqtady

ASTANA. QazAqparat - Qostanaılyq polıtseıler jaıaý júrginshini qaǵyp, qashyp ketken júrgizýshini quryqtady, – dep habarlaıdy Polisia.kz.

Jol-kólik oqıǵasy 26 shildede boldy. Qostanaı – Surǵan avtojolynyń 66 shaqyrymynda jaıaý júrginshini kólik qaqqan. Alaıda, oqıǵa ornynan júrgizýshi qashyp ketken. Jábirlenýshi aýrýhanada qaıtys boldy.

Polıtsııanyń jeke quramy kúdiktini izdeýge baǵyttaldy.

JKO ornynan kólik farasynyń synyqtary alyndy. Jedel-izdestirý is-sharalarynyń nátıjesinde polıtsııa qyzmetkerleri 21 jastaǵy júrgizýshini anyqtap, ustady. Kúdiktige qatysty QR QK-niń 345-baby 3-bóligi (Adam ólimine ákep soqqan JQE buzý) jáne QR QK-niń 347-baby (JKO ornyn qaldyrý) boıynsha sotqa deıingi tergeý bastaldy. Qazirgi ýaqytta qajetti tergeý áreketteri júrgizilip jatyr.

Polıtsııa júrgizýshilerdi jáne jaıaý júrginshilerdi jol qozǵalysy erejelerin múltiksiz saqtaýdy eskertedi.