Qostanaılyq polıtseıler qaǵazbastylyqtan aryldy

QOSTANAI. QazAqparat - Qostanaılyq tártip saqshylary qylmystyq isterdi elektrondy formatta júrgize bastady. Bul týraly ІІD bastyǵynyń orynbasary, polıtsııa polkovnıgi Aron Almatov jýrnalıstermen ótken kezdesýde aıtty, dep habarlaıdy QazAqparat tilshisi.

Aron Almatov aıtqandaı, jańa joba polıtseılerdi qaǵazbastylyqtan aryltýǵa múmkindik jasaıdy.

«Qylmys protsesin tsıfrlandyrý aıǵaqtardy jınaý jumysyn ońaılatyp, is júrgizý qujattaryn jasaýǵa, shyǵyn men júktemeni azaıtýǵa kómektesedi. Bul baǵdarlama qylmystyq protsestiń qylmystyń tirkelýinen bastap, onyń tergelýi jáne úkim oryndalǵanǵa deıingi barlyq satysyn qamtıdy. Joba bógde adamdardyń qylmystyq is materıaldaryna ruqsatsyz qol jetkizýinen qorǵaıdy. Qazirdiń ózinde Qostanaı qalasy ІІB qyzmetkerleri jańa júıemen jumys istep jatyr», - dedi A.Almatov.

Búginge deıin «E-qylmystyq is» jobasymen 147 qylmys is qaralǵan. Aıta keteıik, jobany birinshi bolyp Astana qalasy men Jambyl oblysy engizgen bolatyn.