Qostanaılyq polıtseıler araq iship kólik urlaǵan 22 jastaǵy uryny ustady

QOSTANAI. QazAqparat – Qostanaı oblysynyń polıtseıleri avtokólik urlaǵan kúdiktini qolǵa túsirdi, dep habarlaıdy QazAqparat.

Oqıǵa oblys ortalyǵynda 13 aqpanǵa qaraǵan túni bolǵan.

Polıtsııaǵa Voroshılov kóshesindegi aýladan «Vaz 2107» avtokóliginiń urlanǵany týraly habar túsedi.

Atalǵan fakti boıynsha polıtsııanyń barlyq jasaqtary dereý baǵdarlandy.

«Avtoýragan» avtomattandyrylǵan kesheniniń kómegimen kóliktiń qozǵalysy «Áýejaı» aýdanynda tirkeldi. Krımınaldyq polıtsııa qyzmetkerleri osy baǵytta ornalasqan kentterdi teksere bastady. Qostanaı aýdanynyń Rıazanov aýylynyń mańynda polıtseıler Alekseı Rýdakov pen Ádil Qartabaev izdeýdegi mashınaǵa uqsas kólikti kórdi. Polıtsııany baıqaǵan kúdikti jyldamdyqty arttyryp, qashpaq bolǵan», - deıdi oblystyq polıtsııa departamenti baspasóz qyzmetiniń mamany Kenje Qonysbaı.

Kólik urlaǵan kúdiktini ustaýǵa qosymsha izdeý toby qosyldy. Nátıjesinde ol Maıkól aýylynyń mańynda ustaldy.

Kúdikti 22 jastaǵy jergilikti turǵyn bolyp shyqty. Ol kólikke mas kúıinde mingen.

Sot ony 20 táýlikke qamaýǵa alý týraly sanktsııa berdi

Kúdiktige qatysty taǵy bir qylmystyq is qozǵaldy.

Ol kólik urlaǵany úshin QR QK 200-baby boıynsha jaýap beredi.

Qazir sotqa deıingi tergeý bastaldy.