Qostanaılyq polıtseıler alysqa qatynaıtyn júrgizýshige kómek kórsetti

QOSTANAI. QazAqparat – Uzynkól aýdanynyń polıtseıleri tasjolda tejegish qalyptary qatyp qalǵan júk kóliginiń júrgizýshisine kómek kórsetti, dep habarlaıdy QazAqparat tilshisi.

Júrgizýshi Petropavldan Qostanaıǵa júk apara jatqan.
«12 aqpan kúni 18:00-de Uzynkól aýdandyq polıtsııa bólimshesiniń kezekshi bóliminiń aǵa ınspektory, maıor Serik Janaıdarov baqylaý kameralaryn tekserý kezinde Uzynkól aýylyna qaraı óter jolda úsh saǵat qozǵalyssyz turǵan «Daf» avtokóligin kórgen. Oqıǵa ornyna ýchaskelik polıtsııa ınspektory, leıtenant Denıs Slesar jiberildi. Polıtseı kóliktiń amal joqtyǵynan toqtatylǵanyn anyqtady», - dep habarlady polıtsııa departamentiniń baspasóz qyzmetinen.
Júk kóliktiń júrgizýshisi 40 jastaǵy Inak Ýfık kómek surady. Inspektor eki arnaıy tehnıka jumyldyryp, avtokólikti shyǵaryp aldy.
Kómek kórsetilgennen keıin júrgizýshi saparyn jalǵastyrdy.