Qostanaılyq polıtseı jarty jyl boıy tanysý saıtynda qylmyskerdi ańdyǵan

QOSTANAI. QazAqparat - Qostanaı qalalyq ІІB polıtsııa bóliminiń aǵa jedel ýákili Jandos Aıtqojın úsh jyl boıy myńdaǵan iz-túzsiz joǵalǵan azamattar men qylmyskerlerdi tapqan. Tipti, jedel ýákil qylmyskerdi ańdý úshin tanysý saıtynda jarty jyl boıy otyrǵan, dep habarlaıdy QazAqparat tilshisi oblystyq ІІD baspasóz qyzmetine silteme jasap.

Jedel qyzmetker Aıtqojın probatsııalyq baqylaýdan boı tasalaǵan qaskúnemdi  izdeýde áleýmettik jelilerdi qoldanǵan. Qaraqshylyq shabýyl jasaǵany úshin túzetý mekemesinde jazasyn ótegen qylmysker boı tasalaǵan.

Polıtseı qyskúnemniń tanystarymen  jáne týystarymen baılanysyp, onyń tanysý saıttarynda qoldanýshylarmen jıi sóılesetinin bilgen. Jandos osy saıtta jalǵan atpen tirkelip, kúdikti jaýap bergenge deıin jarty jyl kútken. Jedel qyzmetker qylmyskermen kezdesý úshin Qaraǵandyǵa baryp, ony ustaǵan.

«Bul mysal qazir qylmystyq izdeý qyzmetkerleri ózderin-ózderi damytyp, stereotıptik oılaýdan qashyqtaı bastaǵandyǵyn kórsetedi. Men azamattardy izdep, kásibı biliktiligimdi arttyryp, jaqsy psıholog bolyp shyqtym. Bizdiń jumysqa nemquraıly qaramaý kerek», - dep esepteıdi jedel ýákil.