Qostanaılyq pedagogtardyń 90%-dan astamy koronavırýs vaktsınasyn aldy

QOSTANAI. QazAqparat – Jańa oqý jylyna deıin óńir pedagogtarynyń 100%-y vaktsına alady, dep habarlaıdy QazAqparat oblystyq bilim basqarmasynyń baspasóz qyzmetine silteme jasap.

«Qazirgi kezde oblys pedagogtarynyń 90%-y vaktsına alǵan. Protsess jalǵasýda, tamyzda muǵalimder eńbek demalysynan shyǵyp, jumysqa oralady. Olardyń arasynda jol júrgender vaktsına saldyrǵan. Jańa oqý jylynyń basyna deıin bólek qarastyrylatyn jaǵdaılardy qospaǵanda, pedagogtardyń 100%-y vaktsına alady dep josparlap otyrmyz», - dep málimdedi vedomstvodan.

Barlyǵy Qostanaı oblysynda vaktsınanyń birinshi komponentin 245 myń adam nemese halyqtyń 48,7%-y saldyrdy. Ekinshi komponentti saldyrǵandar úlesi – 33%.

Eske sala keteıik, budan erte Qostanaı oblysynda 1 tamyz ben 1 qazan aralyǵynda vaktsınanyń birinshi komponentin alǵandar arasynda avtokólik oınatylatyny habarlanǵan bolatyn.

Avtory Janna Musabaeva