Qostanaılyq órt sóndirýshiler 200 gektar aýmaqty sharpyǵan jalyndy sóndirdi

QOSTANAI. QazAqparat – Qostanaılyq órt sóndirýshiler úshin ótken táýlik aýyr boldy. Qostanaı aýdany aýmaǵynda qurǵaq shóp janyp, ol 200 gektar aýmaqty sharpyǵan, dep habarlaıdy QazAqparat tilshisi.

«26 qyrkúıek saǵat 19:10-da 101 nómirine Qostanaı aýdanynda Prıgorodnyı ormanshylyǵynyń aýmaǵynda qurǵaq shóp janyp, onyń arty orman órtine ulasqan. Órt Oktıabrskoe aýylynan 5 shaqyrym jerde shyǵyp, 200 gektar aýmaqty sharpyǵan. Oqıǵa ornyna Órt ornyna Prıgorodnyı jáne Araqaraǵaı ormanshylyǵynyń orman komandalary keldi, kómekke Qostanaı oblysy TJD qutqarýshylary, jergilikti atqarýshy organdar men polıtsııa qyzmetkerleri tartyldy. Barlyǵy 99 adam men 27 tehnıka jumyldyryldy», - dep habarlady oblystyq TJD baspasóz qyzmetinen.

Órt tek tańǵa jýyq aýyzdyqtalǵan.

«8 saǵat ótken soń, saǵat 11:01-de órt sóndirildi. Eshkim zardap shekken joq. Órttiń shyǵý sebebi anyqtalyp jatyr», - dep túıindedi TJD-dan.