Qostanaılyq qutqarýshylarǵa koronavırýstan vaktsına salyna bastady
«5 sáýir kúni TJ boıynsha departament qyzmetkerlerine koronavırýsqa qarsy vaktsına egildi. Departament basshysy Birjan Kárimov pen onyń orynbasarlarynyń bastaýymen 10-nan asa adam koronavırýs ınfektsııasyna qarsy vaktsınanyń birinshi komponentin qabyldady», dep málimdedi vedomstvodan.
«Qyzmetkerler alǵashqy 30 mınýtta dárigerlerdiń baqylaýynda boldy. Vaktsına salynǵannan keıingi alǵashqy úsh kún olardy tirkelgen jeri boıynsha ýchaskelik dáriger qarap otyrady. Sonymen qatar vaktsına alǵan ár adamǵa múmkin bolatyn janama áserler jáne emhana nómirleri jazylǵan arnaıy eskertpe taratylady. Qazirgi kezde eshqandaı shaǵym túspedi», - dep túsindirdi TJD.
Departamentte qutqarýshylardyń qaýip-qater tobyna jatatyndyǵyn atap ótti. Olar kúndelikti jumys barysynda halyqpen tyǵyz baılanysta bolady. Sol sebepti juqtyrý qaýpin azaıtý jáne qaýipsizdikti qamtamasyz etý maqsatynda vaktsınatsııa jasaý mańyzdy.