Qostanaılyq qutqarýshylar sýdyń ortasynda qalǵan traktorshyny qutqardy

QOSTANAI. QazAqparat – Qostanaı oblysynda qutqarýshylar bógettegi sýdyń ortasynda qalǵan traktorshyny shyǵaryp aldy, dep habarlaıdy QazAqparat tilshisi.

Amangeldi aýdanynyń tótenshe jaǵdaılar boıynsha baılanys pýnktine bir sharýa basshysynyń traktory turyp qalǵany jóninde habar kelip tústi.

«Traktorshy mektep jasyndaǵy balalaryn úıine jetkizý úshin Muqantúbek qystaǵynan Baıǵabyl aýylyna qaraı Qarabóget arqyly kele jatqan, qaıtar jolda onyń traktory sýda turyp qalǵan», - dep málim etti oblystyq TJD

Er adam kabınadan shyǵyp, traktordy ózi shyǵarmaq bolǵan, qolynan kelmegesin aýyl turǵyndaryn shaqyrǵan.

Olar eki traktormen keldi. Olardyń da áreketteri nátıje bermeı, aqyry 112 qyzmetinen kómek suraıdy.

Qutqarýshylar traktordy bógetten shyǵaryp aldy.

Avtory Janna Musabaeva