Qostanaılyq kásiporyn jumysshylaryna bir jarym jyldan beri jalaqy tólemegen
16:15, 28 Mamyr 2021
QOSTANAI. QazAqparat – Qostanaı oblysy kásiporyndrynyń biriniń jumysshylaryna jumys berýshi iri somadaǵy aqshaǵa qaryz boldy, dep habarlaıdy QazAqparat jekemenshik sot oryndaýshylary aımaqtyq palatasyna silteme jasap.
Jumyskerler 20 mıllıon teńge kóleminde tólenbeı qalǵan eńbekaqysyn tek jeke sot oryndaýshylarynyń kómegine júginip qana alǵan.
«Aqshasyn ala almaı júrgen 4 qyzmetker bar edi. Olar aımaqtaǵy JShS-niń birinde jumys istep jatyr. Eńbekaqysyn 2019 jyldyń qyrkúıeginen beri alǵan joq. Іske sot oryndaýshysy Ivan Tsymbal kirisip, QR «Atqarýshy óndirisi jáne sot oryndaýshylarynyń statýsy týraly» Zańymen qarastyrylǵan barlyq sharalardy qoldandy», - dep málimdedi aımaqtyq palatadan.
Sonymen qatar, boryshkerdiń múligin satý máselesi de kóterildi, alaıda boryshker men óndirip alýshylar túıtkildi atqarýshy óndiris kezinde beıbit jolmen sheshti.