Qostanaılyq dárigerler prezıdenttik saılaýǵa qoldaý bildirdi

QOSTANAI. QazAqparat - Medıtsına salasynyń qyzmetkerleri aldaǵy saılaý naýqanynyń ótýin merzimdi ári durys sheshim dep sanaıdy. Osyǵan baılanysty Qostanaı qalasynyń № 4 emhanasynda aq halattylardyń basqosýy ótti, dep habarlaıdy QazAqparat.

Jıyn barysynda oblystyq máslıhat depýtaty Gúlmıra Qapenova densaýlyq salasyndaǵy oń nátıjelerge toqtaldy. Aıtýynsha, bul salaǵa kórsetiletin memlekettik járdem jyl saıyn artyp keledi.

«Elde ozyq em¬deý-dıagnostıka¬lyq ke¬shender, me¬dıtsınanyń negizgi baǵyt¬tary, onyń ishinde eń jańa baǵyttar boıynsha ondaǵan ortalyqtar qu¬ryldy, kóliktik me¬dıtsına damy¬tylýda. Me¬dıtsınalyq avtokólik, sanıtarlyq avıatsııa paıdala¬ny¬lady», - deıdi oblystyq máslıhat depýtaty.

Aq jeleńdiler kezekten tys prezıdenttik saılaýdy ótkizý óte mańyzdy ári qajet qadam ekendigin alǵa tartty. Olar memleket basshysynyń jasaǵan Úndeýin biraýyzdan qoldaıdy.

«Eldiń ishki jáne syrtqy saıasattaǵy sabaqtastyǵyn qalyptastyrý úshin aldaǵy saılaýdyń mańyzy zor. Elbasy Nursultan Nazarbaevtyń dana basshylyǵy, kóregen saıasaty men strategııasynyń arqasynda elimiz álemdik arenadaǵy bedelin túsirgen joq. Tuńǵysh Prezıdentimizdiń osy ıgi isterin odan ári jalǵastyryp otyrǵan Qasym-Jomart Kemelulynyń taıaý arada Prezıdent saılaýyn ótkizýge sheshim qabyldaýy qazirgi tańdaǵy kezek kúttirmes qadam bolǵanyn túsinip otyrmyz», - deıdi aq halattylar.

Aıta ketý kerek, Elbasynyń jyl saıynǵy «Joldaýynda» berilgen tapsyrmalaryna sáıkes, 2019 jyly 10 myńnan astam dáriger men 20 myńnan asa medbıkeniń jalaqysy artady. Ol úshin memleket qazynasynan qomaqty qarajat qarastyrylǵan. Memlekettik járdeminiń arqasynda Qostanaı qalalyq № 4 emhananyń materıaldyq-tehnıkalyq jaǵdaıy aldaǵy jyldarmen salystyrǵan edáýir jaqsardy. 400-ge jýyq qyzmetkeri bar emdeý mekemesine 80 myńnan astam turǵyn tirkelgen.