Qostanaılyq dárigerler mas kúıinde jol apatyn jasaǵandardy kýálandyratyn taldama nátıjesin burmalaǵan

QOSTANAI. QazAqparat – Qostanaı oblysy boıynsha sybaılas jemqorlyqqa qarsy qyzmet oblystyq psıhıkalyq densaýlyq ortalyǵynyń laýazymdy tulǵalaryna qatysty sotqa deıingi tergeý jumystaryn júrgizip jatyr, dep habarlaıdy QazAqparat tilshisi.

Jergilikti quzyrly organnan málimdegendeı, atalǵan ortalyqtyń qzymetkerleri mas kúıinde jol-kólik oqıǵasyn jasaǵan azamattardy kýálandyrý kezinde taldama nátıjesin burmalaǵan.

«Olarǵa kýálandyrý nátıjelerin burmalap, laýazymdyq ókilettikterin asyra paıdalandy degen aıyp taǵylyp otyr. Tergeý málimetterine saı, zańsyz áreketter nátıjesinde azamattar ákimshilik jaýapkershilikten jáne kólik quralyn basqarý quqyǵynan aıyrýdan jaltarǵan. Sotqa deıingi tergeý jalǵasýda. QR Qylmystyq is júrgizý kodeksiniń 201-babyna sáıkes, bul iske qatysty ózge aqparattar jarııa etilmeıdi», - dep málim etti sybaılas jemqorlyqqa qarsy is-qımyl agenttiginiń oblystyq departamentiniń baspasóz qyzmetinen.

Qosa ketsek, búgin belgili bolǵandaı, Astana qalalyq Qorshaǵan ortany qorǵaý jáne tabıǵatty paıdalaný basqarmasynyń basshysy Álııa Qojabaeva ustaldy.