Qostanaılyq áıel altyn úshin asa aýyr qylmysqa barǵan

QOSTANAI. QazAqparat - Qostanaı oblysynyń polıtsııa qyzmetkerleri asa aýyr qylmysty ashty. Bul týraly polıtsııa departamenti bastyǵy Erlan Omarbekov málimdedi, dep habarlaıdy QazAqparat Polisia.kz saıtyna silteme jasap.

Qostanaı qalasyndaǵy úıdiń kireberisinen kópqabatty úıdiń turǵyny áıel adamnyń máıiti tabylǵany týraly polıtsııaǵa eetkizgen. Ol birden jedel járdem men polıtsııany shaqyrǵan.

Polıtsııa departamentiniń bastyǵy Erlan Omarbekov qylmysty ashýǵa oblystyń jáne qalanyń tájirıbeli polıtsııa qyzmetkerleri tartylǵanyn atap ótti.

Eki saǵattan keıin kisi óltirý boıynsha is ashyldy. 45 jastaǵy kúdikti, jumys istemeıtin áıel ustaldy, odan zattaı dáleldemeler alyndy.

75 jastaǵy áıel qonaqtan úıine qaıta kele jatqanda onyń ústinde altyn áshekeıler bolǵan. Kúdikti zeınetkerdiń podezge kirgenin kórip, onyń sońynan erip, pyshaq jaraqatyn salyp, alqany julyp áketken.

Erlan Omarbekov kúdiktiniń jedel-izdestirý is-sharalaryn júrgizý kezinde ustalǵanyn málimdedi. Ustalǵan adamnan zattaı dáleldemeler alyndy.

Qazirgi ýaqytta qajetti tergeý amaldary júrgizilýde, QR QK-niń 99-baby 2-bóligi «Paıdakúnemdik nıetpen óltirý» boıynsha sotqa deıingi tergeý bastaldy.

Foto: polisia.kz