Qostanaılyq ártis aǵylshyn tiliniń brend elshisi atandy

QOSTANAI. QazAqparat - Qostanaıdaǵy qazaq drama teatrynyń ártisi Názıra Iman aǵylshyn tiliniń brend elshisi mártebesin ıelendi, dep habarlaıdy QazAqparat tilshisi.

Byltyr Qazaqstandaǵy AQSh elshiligi aǵylshyn tilin tereńdete úırengisi keletinder arasynda baıqaý jarııalady.  Konkýrsqa qatysýshylar aǵylshyn tilin jaqsy bilýge degen yntalaryn aıqyndaıtyn beınejazbany júktep, áleýmettik jelige salýy kerek bolǵan.

«Men konkýrsqa Instagram arqyly qatystym. Beınejazbamdy «ıÝtýb» jelisine júktep, onda nelikten aǵylshyn tilin jaqsartqym keletinin aıttym. 15 qańtarda 500 qatysýshynyń arasynan fınalǵa ótkenimdi bildim», - deıdi Názıra.

Fınalǵa shyqqan 8 jeńimpazdyń ərqaısysy aǵylshyn tilin oqýǵa 3000 AQSh dollaryn alyp, Qazaqstandaǵy aǵylshyn tiliniń brend elshisi ataǵyna ıe boldy.

«Men aǵylshyn tilin ekinshi synyptan bastap oqydym. 8 synyptan beri tereńdete úırendim. Qazir qazaq drama teatrynda jumys isteımin. Til bilýimniń arqasynda birneshe jaýapty rólderdi somdadym. Buǵan qosa «EKSPO-2017» kórmesinde júrgizýshi boldym», - dep qýanyshymen bólisti ártis.