Qostanaılyq ardagerler Reseı Prezıdentiniń marapatyna ıe boldy
17:10, 17 Aqpan 2017
QOSTANAI. QazAqparat - Reseıdiń Qazaqstandaǵy elshiliginiń keńesshisi Elena Lysenko Qostanaıda turatyn soǵys ardagerleri men olardyń otbasylaryna marapattar tabys etti, dep habarlaıdy «QazAqparat» HAA tilshisi.
Ordender jáne medaldarmen birge tabys etilgen kýálikterge Reseı Prezıdenti Vladımır Pýtınniń qoly qoıylǵan.
Qostanaı ardagerler keńesinde soǵys ardageri Vasılıı Koshtenkonyń uly men nemeresine Qyzyl Juldyz ordeni saltanatty túrde tapsyryldy. Sondaı-aq Reseı elshiliginiń keńesshisi ardagerler Bertran Rýbınshteın men Mıhaıl Kondratenkonyń úıine baryp qaıtty.
«1941 jyldyń jeltoqsan aıynda, qaqaǵan aıazda keńes áskeri óz janyn qıyp, keńes memleketiniń astanasy - Máskeý qalasyn qorǵady. Qurmetti ardagerler, Máskeý úshin aıqastyń 75 jyldyǵyna oraı Reseı Prezıdentiniń atynan estelik tósbelgilerdi tabys etýge ruqsat etińizder», - dep atap ótti Elena Lysenko.