— Bul taqyryp maǵan óte jaqyn bolǵandyqtan #Qazalemi baıqaýyna qatysýdy jón kórdim. Birinshiden, men óz Otanymnyń patrıotymyn — men Qostanaıdy jáne jalpy elimdi jaqsy kóremin. Al, ekinshiden, chellendj qatysýshylary óz týǵan jerleriniń sulýlyǵyn jarııalaıdy, nege Qostanaı óńiriniń de sulýlyǵyn kóretpeske. Men bul baıqaýǵa qatysýdy qurmet dep sanaımyn, — dedi ol.
Vıdeorolıkte jetkinshek Qostanaı jáne oblystyń basty sý arterııasy — iri qalalardy baılanystyratyn, óńirdiń tabıǵı baılyqtarynyń biri sanalatyn Tobyl ózeni týraly áńgimeleıdi.
Aıta keteıik, tanymal akter ári prodıýser Nurlan Qoıanbaev Instagram paraqshasynda Qazaqstannyń Táýelsizdik kúnine oraı baıqaý uıymdastyrǵan bolatyn. Qatysýshylar óz aımaǵyndaǵy qysqy kórikti jerlerdi, sondaı-aq #Qazalemi heshtegimen erekshe jáne ádemi jerlerdi fotosýretter men beınematerıaldarǵa ornalastyrýǵa mindetti. Eń kreatıvti jumystardyń avtorlaryna syılyqtar — jańa smartfondar men shıpajaıǵa joldama beriledi. Baıqaý qorytyndysy 27 jeltoqsanda jarııalanady.
Osyǵan deıin týǵan jeriniń sulýlyǵyn vıdeo arqyly kórsetken Túrkistan oblysynyń aýyl turǵyny týraly jazǵan bolatynbyz.
Sondaı-aq, baıqaýǵa qatysqan Kentaý turǵyny qalanyń qysqy kórinisi beınelengen sýretter jarııalaǵany habarlandy.