Qostanaılyq fermerler «Keń dala 2» baǵdarlamasynyń ıgiligin kórip otyr
«Agrarlyq nesıe korproatsııasy sharýalarǵa tıimdi sharttarmen qoldaý kórsetedi. Qazir ústemesi 5% bolatyn «Keń dala-2» baǵdarlamasy júrip jatyr. Eginimizdi jınap bolǵan soń 2025-jylǵy josparymyzdy qarap, qujat tapsyramyz. Eger mundaı baǵdarlamalar bolmasa qınalyp qalamyz», - deıdi «Nur Toba» JShS dırektory Ermek Jumabekov.
Qostanaı oblysynyń Altynsarın aýdanyndaǵy «Baltaly Ltd» de atalmysh baǵdarlamanyń ıgiligin kórgen. Olar nesıeni tıimdi paıdalanyp, egin egý jumystaryn sátti júrgizgen. Tyńaıtqyshtar men zııankesterge qarsy dári-dármekterin de qamdap alǵan. Seriktestiktiń agronomy Vasılıı Kapısternıtskıı Agrarlyq nesıe korporatsııasynyń qoldaýynyń arqasynda jumystary der kezinde atqarylǵanyn aıtady.
«Bıyl aýa raıy asa qolaıly bolǵan joq. Degenmen ortasha eseppen gektarynan 12 tsentnerden ónim alyp jatyrmyz. Baǵdarlama arqyly alǵan nesıeniń kómegi kóp boldy», - deıdi «Baltaly Ltd» JShS agronomy.
Agrarlyq nesıe korporatsııasy bıyl elimizdiń aýyl sharýashylyǵy taýaryn óndirýshilerin 420 mlrd teńgeden astam somamen qarjylandyrǵan. Onyń 320 mlrd teńgesi egin egý men jıyn-terim jumystaryna jumsalǵan.
Memlekettik qoldaýdyń jańa mahanızmine sáıkes kepil múlki jetpeıtin fermerlerdiń «Keń dala 2» baǵdarlamasy boıynsha alǵan qaryz somasynyń 85%-yn «Damý» kásipkerlikti damytý qory kepildendiretin boldy. Agrarlyq nesıe korporatsııasy qarjylandyrý joldaryn ulǵaıtý arqyly fermerler úshin qolaıly jaǵdaılar jasady. Nesıeni Korporatsııa fılıaldarynan, kredıttik seriktestikter, ekinshi deńgeıli bankter, áleýmettik-kásipkerlik korporatsııalar jáne mıkroqarjy uıymdary arqyly alýǵa bolady.
Ótken jyly Agrarlyq nesıe korporatsııasy men QazAgroQarjynyń qarjylandyrý kólemi 554,7 mlrd teńgeni qurady. Bıyl jyl sońyna deıin qarjylandyrý somasy 700 mlrd teńgeden asady dep josparlanýda.