Qostanaıdyń qoǵamdyq baqylaý toby emhanalardaǵy dári-dármek qoryn tekserdi
Qoǵamdyq baqylaý toby 27 qazanda birqatar tekserý jumystaryn júrgizdi. Olardyń qataryna mektepter, tutyný kooperatıvteri jáne kásiporyndar kirdi. Barlyq sanıtarlyq talaptar oryndalǵan. Kire beriste termometrııa júrgizilip, aıaq astynda dezınfektsııalyq tósenishter bar, barlyq personal jumysyn betperdemen júrgizedi.
Qostanaı oblysyndaǵy qoǵamdyq baqylaý úılestirýshileri «SK Farmatsııa» qoımalaryn tekserdi. Reıd barysynda COVID2019 jáne pnevmonııany emdeýge arnalǵan dárilik preparattardyń bar-joǵy tekserildi. Qoǵamdyq baqylaý toby óńirdiń 9 aýrýhanasyn aralap shyqty. Qaýipti indettiń 2-shi tolqyny bastalǵan jaǵdaıda mamandar dári-dármek tapshylyǵy sezilmeıdi degen senimde.
«Dári-dármekterdi ambýlatorııalyq qamtý boıynsha bizdiń seriktestikpen Qostanaıdyń 32 medıtsınalyq uıymy jumys isteıdi. Qoımalarǵa túsken dári-dármekter bir aptadan artyq saqtalmaıdy, odan ári josparǵa sáıkes oblystyń emdeý mekemelerine jiberiledi. Qazir oblys emhanalaryna quny 1 mlrd teńgeden asatyn dári-dármekter jetkizildi. Preparattar aımaqqa apta saıyn ákelinedi. Ákelingen farmatsevtıkalyq ónimderdiń arasynda antıbıotıkter men vırýsqa qarsy preparattar jetkilikti. Eki aıǵa jetetin dári-dármek qory jasaqtaldy. Ázirge logıstıkalyq máseleler týyndap otyrǵan joq», - dedi Qostanaı oblysy boıynsha «SK-FARMATsIıA» seriktestiginiń resmı ókili Marına Labazova.
Koordıantorlar Qostanaı aýdanynyń týberkýlezge qarsy aýrýhanasynyń basshylyǵymen kezdesý ótkizip, dári-dármek pen tergeý ızolıatorlary bar qoımany tekserdi. Aýrýhananyń juqpaly aýrýlar bólimshesinde 121 orynǵa shaqtalǵan ottegi stantsııasy ornatylǵan.
Qoǵamdyq top ókilderi 2020 jyldyń 2 qarashasynda taǵy da reıd júrgizbek.