Qostanaıdyń eki kentinde tabıǵı gaz paıda bolady

ASTANA. QazAqparat  - Qostanaı oblysynyń eki kentinde tabıǵı gaz paıda bolady. Denısov aýdanynyń Antonovka jáne Alchanovka aýyldarynda gaz qubyrlarynyń jelileri ornatylýda, dep habarlaıdy  Alau.kz.

Alchanovkadaǵy gaz ornatý boıynsha jobanyń quny 38 mıllıon teńgeni quraıdy. «Qazirgi tańda merdigerler daıyndaý jumystaryn júrgizýde. Nysanda eki ekskavator jumys istep jatyr. Jumys 23 mamyr kúni bastaldy», - dedi Qostanaı oblysyq ákimdigi Energetıka jáne TKSh basqarma basshysy Almat Isenbaev.

Alchanovka kentinde kelisimshart boıynsha barlyq jumystar 15 tamyzǵa deıin bitýi kerek. Óńir basshysy Arhımed Muhambetov bul jumystardy 15 shildege deıin bitirýdi tapsyrdy. Tabıǵı gazge 169 nysan qosylady. Antonovka kentinde jospar boıynsha gaz 20 qarashaǵa deıin berilýi kerek. Mundaǵy abonentter sany - 500. Oblys ákimi bul nysandy da ýaqytynan buryn tapsyrýdy eskertti.

Aıta keteıik, gazdy turǵyndar óz qaltalarynan qostyrady. Bir otbasy 200-300 myń teńge tóleıdi.