Qostanaıdyń áýejaıy taǵy da satylmaı qaldy

QOSTANAI. QazAqparat - Qostanaı halyqaralyq áýejaıy jekeshelendirýdiń ekinshi kezeńi aıasynda taǵy da satylmaı qaldy, dep habarlaıdy «QazAqparat» HAA tilshisi QR Qarjy mınıstrliginiń memlekettik monıtorıng, senimgerlik basqarý jáne kontsessııa basqarmasynyń jetekshisi Ernur Orazalınge silteme jasap.

Áýelde, halyqaralyq áýejaıdy satyp alý quqyǵy boıynsha senimdi basqarýǵa berý tenderin ótkizý 2017 jylǵy 20 jeltoqsanǵa josparlanǵan. Úshinshi satylym barysynda jekeshelendirý sharttary ózgertildi. Kepildik jarnasy 129,3 mln teńgege deıin kemidi. Alaıda, ótinim túspegen soń áýejaı taǵy da satylmaı qaldy.

«Tender taǵy da ótkizilmedi. Halyqaralyq áýejaıdyń endigi taǵdyryn arnaıy komıssııa sheshedi. Komıssııa otyrysy kelesi aptaǵa belgilengen», - dedi Orazalın.

Aıta keteıik, atalǵan nysan Qazaqstan Respýblıkasy Investıtsııalar jáne damý mınıstrliginiń balansynda tur. Ol Qostanaı qalasy tóńireginiń ońtústik-batys jaǵynan 2 shaqyrym jerde jáne ákimshilik ortalyǵynan 5,6 shaqyrym qashyqtyqta ornalasqan. Áýejaı halyqaralyq mártebege ıe. Bir jyl ishindegi reıs sany - 1700. Jetkiziletin júkterdiń, poshtanyń kólemi - 250 tonnadan astam.