Qostanaıdaǵy órtten zardap shekkenderge úıler qandaı joba boıynsha salynady

QOSTANAI. QazAqparat – Qostanaıdaǵy órtten zardap shekkenderge úıler Maqtaaraldaǵy sý tasqyny kezinde júzege asyrylǵan joba negizinde salynady. Bul týraly Qostanaı oblysy ákiminiń orynbasary Ǵaýez Nurmuhambetov málim etti, dep habarlaıdy QazAqparat tilshisi.

«Bul - tótenshe jaǵdaı. Sondyqtan mundaı kezeńde merdigerdi anyqtaý boıynsha konkýrstar ótpeıdi. Eger konkýrs ótkizsek, onda ol birneshe aıǵa sozylady. Ýaqyt joq. Berilgen merzimi óte qysqa - 2,5 aı. Eń bastysy, ár qaısysynyń aýmaǵy 100 sharshy metr bolatyn sapaly úıler salý. Sondyqtan munda iri kompanııalar jumys isteıtin bolady», - oblys ákiminiń orynbasary Ǵaýez Nurmuhambetov.

Onyń aıtýynsha, úıler Maqtaaraldaǵy sý tasqyny kezinde júzege asyrylǵan joba negizinde salynady. Qurylysqa qajetti qarajat respýblıkalyq bıýdjetten bólinedi. Ǵaýez Nurmuhambetov aımaqtyń klımattyq erekshelikterine baılanysty joba quny Maqtaraldaǵy qurylysqa qaraǵanda qymbat bolýy múmkin.

«Maqtaaral – Ońtústikte ornalasqan óńir. Al bizde jylý berý maýsymy uzaqqa sozylady. Prezıdent úılerdi bizdiń klımattyq jaǵdaıymyzdy eskere otyryp salýty tapsyrdy. ıAǵnı, olar qysta jyly bolýy tıis», - dep atap ótti Ǵaýez Nurmuhambetov.

Eske salaıyq, Qostanaı oblysyna qarasty Áýlıekól aýdanyndaǵy órtten zardap shekkenderge 91 úı salynady. Ár baspanynyń aýmaǵy 100 sharshy metr bolady.