Qostanaıdaǵy órt: Jańa úıler salynǵanǵa deıin halyq qaıda turady

QOSTANAI. QazAqparat – Qostanaı oblystyq sáýlet jáne qala qurylysy basqarmasynyń basshysy Berik Tańjaryqov órtten zardap shekkender jańa úılerdiń qurylysy aıaqtalǵanǵa deıin qaıda turatynyn aıtty, dep habarlaıdy QazAqparat tilshisi.

Onyń málimdeýinshe, ýaqytsha evakýtsııalanǵan adamdar Áýlıekól aýdanyndaǵy jataqhanalarǵa ornalastyrylady.

«Qurylys jumystary júrgiziletin ýaqytta adamdardyń ýaqytsha turýy úshin arnaıy oryndar uıymdastyryldy. Atap aıtqanda, olar aýdan aýmaǵyndaǵy jataqhanalarǵa oranalastyrylady. Qazirgi tańda evakýatsııalanǵan halyqtyń basym kópshiligi týystaryna ketip jatyr. Al barar jeri ne jaqyndary joq azamattar jańa úıleriniń kiltin qoldaryna alǵanǵa deıin jataqhanalarda bolady. Olar 100 paıyz azyq-túlikpen qamtamasyz etiledi», - dep túsindirdi Berik Tańjaryqov.

Qosa ketsek, buǵan deıin úıi órtengen qostanaılyqtarǵa 500 myń teńgeden alǵashqy kómek beriletinin habarlaǵan bolatynbyz. Mundaı somadaǵy qarajat 91 otbasyǵa usynylady.

Sondaı-aq oblysta bolǵan alapat órtten bolǵan mal men qus shyǵyny da anyqtaldy.

Vıdeodan alyn ǵ an kadr