Qostanaıdaǵy órt: qazaqstandyqtar jappaı qoldaý kórsete alatyn qor ashylýy múmkin

NUR-SULTAN. QazAqparat – Qostanaı jurtshylyǵyna elimizdiń barlyq azamattary qoldaý kórsete alatyn qor ashý josparlanyp otyr. QazAqparat tilshisiniń saýalyna jaýap bergen Qostanaı oblysy ákimdiginiń baspasóz qyzmeti osylaı dep málim etti.

«Búgingi tańdaǵy aqparat boıynsha, órtten 108 ǵımarat zardap shekti. Onyń ishinde 98 úı tolyǵymen órtendi. Іri kásiporyndar men shaǵyn bıznes te kórsetiletin kómekten shet qalmaıdy. Zardap shekkenderge barlyq jaǵynan qoldaý jasalady. Jaqyn kúnderi Qostanaı jurtshylyǵy qazaqstandyqtar jappaı qoldaý kórsete alatyn qor ashýdy josparlap otyr», - dep málim etti jergilikti ákimdiktiń baspasóz qyzmetinen.

Qosa ketsek, bul ýaqytqa deıin Qostanaı oblysy Áýlıekól aýdanyndaǵy órtten zardap shekkenderge jańa úı nemese ótemaqy beriletinin habarlap edik.

Sonymen qatar, zardap shekkenderdiń nesıeleri jabylyp, «Qazaqstan halqyna» qoǵamdyq qory qoldaý kórsetedi.