Qostanaıdaǵy HQO dırektorynyń orynbasary para alý kúdigine ilindi

NUR-SULTAN. QazAqparat – Qostanaı oblysy boıynsha «Azamattarǵa arnalǵan úkimet» memlekettik korporatsııasy dırektorynyń orynbasary para aldy dep kúdiktelýde. Bul týraly QazAqparat Agenttiktiń baspasóz qyzmetine silteme jasap habarlaıdy.

«Qostanaı oblysynyń Sybaılas jemqorlyqqa qarsy qyzmeti atalǵan oblystyń «Azamattarǵa arnalǵan úkimet» Memlekettik korporatsııasy» KEAQ fılıaly dırektorynyń orynbasaryna qatysty sybaılas jemqorlyq qylmysyn jasady degen kúdik boıynsha sotqa deıingi tergeýdi bastady. Ol memlekettik qyzmetterdi alýdy jedeldetýge jaǵdaı jasaǵany úshin zańdy tulǵanyń ókilinen «Range Rover» avtokóliginiń 180 myń teńge turatyn qysqy shınalar jıyntyǵy túrinde para aldy dep kúdiktelýde», - delingen habarlamada.

Sotqa deıingi tergeý jalǵasýda.

Kúdikti kinásiniń deńgeıin anyqtaı otyryp, oǵan qatysty sońǵy sheshimdi sot shyǵarady.