Qostanaıdaǵy alapat órtpen kúreste maman men tehnıka jetkilikti – mınıstr

NUR-SULTAN. QazAqparat – Qostanaı oblysyndaǵy dala órti shamamen 42 myń gektarǵa jaıyldy. Bul týraly QR Tótenshe jaǵdaılar mınıstri ıÝrıı Ilın Qostanaı oblysyndaǵy órtpen kúres jaǵdaıyn bólisti, dep habarlaıdy QazAqparat tilshisi.

«Ázirge shamamen órttiń aýmaǵy 42 myń gektar dep boljap otyrmyz. Biraq bul jerde tek orman ǵana emes, jaıylym jáne basqa jerler de bar. Orman boıynsha bólek shyǵyn esebi jasalady. Órtpen kúreste maman men tehnıka jetkilikti. Naqty aıtqanda, 2 myńnan astam adam jáne 250-den astam tehnıka jumyldyryldy. Sonymen qatar tilsiz jaýmen kúreske Qorǵanys mınıstrliginiń arnaıy tehnıkasy tartyldy», - dedi ıÝrıı Ilın tilshilerdiń suraǵyna jaýap bere turyp.

Buǵan deıin mınıstr Qostanaı oblysyndaǵy dala órtin búgin-erteń tolyq sóndiriletinin málim etken edi.

«Órttiń aýmaǵy birneshe ondaǵan gektardy quraıdy. Qarqyndy jumystyń arqasynda tilsiz jaýdyń betin qaıtaramyz degen oıdamyn. Amanqaraǵaı eldimekeni erekshe nazarda, órttiń qaıta tutanbaýyn arnaıy qyzmet qadaǵalap otyr. Sebebi jeldiń beti qaıtpaı tur. Búgin, erteń órtti tolyq sóndiremiz dep otyrmyz. Odan ári orman sharýashylyǵy komıtetiniń qyzmetkerleri jaǵdaıdy baqylaıdy», - degen edi vedomstvo basshysy.

Eske salsaq, Qostanaı oblysynda 2 qyrkúıekten bastap órtpen kúres júrip jatyr.

Aıta keteıik, Memleket basshysy Qasym-Jomart Toqaev Qostanaı oblysynda orman órtinen zardap shekkendermen kezdesken edi.