Qostanaıdaǵy shaǵynaýdandardyń birinde tandyr ónimderin satatyn oryn jaryldy

<p>Aldyn ala derekter boıynsha, oqıǵaǵa gaz-aýa qospasynyń jarylýy sebep bolǵan. Órt shamamen 20 sharshy metr aýmaqty sharpydy, zardap shekkender bar, dep habarlady <a href="Kazinform" target="_blank" rel="noopener">Kazinform.</a></p>

Qutqarýshylar kólemi 50 lıtr bolatyn 6 gaz ballonyn evakýatsııalady. 

«TJD bólimshesi kelgenge deıin satýshynyń 20 jastaǵy kómekshisi aýrýhanaǵa jatqyzyldy. Jas jigit denesiniń 70-75%-in termııalyq kúıik shalǵan, jaǵdaıy aýyr», - dedi Qostanaı oblystyq TJD baspasóz qyzmeti.

Qazirgi ýaqytta órttiń jaı-japsary men sebebi tekserilip jatyr.

Órt sóndirýshiler aldyn ala sebep retinde qaýipsizdik erejelerin saqtamaýdy alǵa tartty. Qostanaı oblysy Tótenshe jaǵdaılar departamentiniń basshysy Qasym Qaırattyń aıtýynsha, tandyr qyzmetkerleri tandyr peshin qyzdyryp, keıin gaz ballondaryn ákelip, peshke tirep qoıǵan. Aldymen birinshi jarylys boldy, ekinshisinen keıin jas jigittiń denesin kúıik shaldy.