Qostanaıdaǵy bes balanyń ólimi: Oblys ákimi Jitiqaraǵa baryp, jınalys ótkizdi

<p>ASTANA. KAZINFORM &ndash; Qostanaı oblysynyń ákimi Qumar Aqsaqalov qaıǵyly oqıǵa oryn alǵan Jitiqara aýdanyna bardy. Óńir basshysy qazaǵa qatysty kóńil aıtty jáne barynsha qoldaý kórsetýdi tapsyrdy.</p>

Qostanaı oblysy ákimdiginiń habarlaýynsha, ákim jedel keńes ótkizip, oqıǵanyń sebepterin muqııat tekserýdi tapsyrǵan.

Foto: Qostanaı oblysynyń ákimdigi

Sondaı-aq, ákim balalardyń týystaryna kóńil aıtyp, kómek kórsetýge daıyn ekenin jetkizdi. Oǵan qosa, psıhologtardyń atalǵan otbasymen jumys istep jatqany, olarǵa ýaqytsha baspana berilgeni jáne materıaldyq qoldaý kórsetiletini anyqtaldy.

Eske sala ketsek, búgin Qostanaı oblysynda jer úıde bes bala órtenip ketti. Qaıǵyly oqıǵa tańerteń bolǵan. Jitiqaranyń jeke sektorynda úı órtenip ketti, onda qaraýsyz qalǵan bes bala bar edi. Olardyń denelerin órt sóndirýshiler tapty. Qazirgi ýaqytta tergeý júrgizilýde.