Qostanaıda jylý jelileri tekserilýde

QOSTANAI. QazAqparat – Jylý kózderin qysym arqyly tekserý protsesinde Qostanaı qalasyndaǵy №3 qazandyqtan jetkiziletin jylý jelileri ýchaskeleriniń birinde apat boldy, dep habarlaıdy QazAqparat menshikti tilshisi.

Qostanaı ákimdiginiń baspasóz qyzmeti habarlaǵandaı, jylý jelilerin qysym arqyly tekserý qalany aldaǵy 2021-2022 jyldardaǵy jylytý maýsymyna daıyndyq aıasynda júrgizilýde.

«Jylytý maýsymy bastalar aldynda magıstraldyq jylý jelilerin joǵary qysym arqyly gıdravlıkalyq tekserý jylytý qubyrlarynyń beriktigi men tyǵyzdyǵyn synaý, sondaı-aq anyqtalǵan aqaýlardy anyqtaý jáne joıý maqsatynda júrgiziledi»,- dep habarlady baspasóz qyzmeti.

Qysymnyń joǵarylaýynan apat oryn alǵan. «Qostanaı jylý energetıkalyq kompanııasynyń» baspasóz qyzmeti búgin №3 qazandyqtan jetkiziletin jylý jelilerin tekserýdiń birinshi kúni ekenin aıtty.

«Jumystardyń nátıjesinde ІІM akademııasynyń (mılıtsııa mektebi) aýdanynda serpilis anyqtaldy, bul osyndaı jumystardyń qajettiligin taǵy bir ret dáleldeıdi. Jazda mundaı aqaýdy joıý qystaǵy apattardy joıýǵa qaraǵanda áldeqaıda ońaı. Azamattardyń qaýipsizdigi úshin syǵymdaý sýyq sýmen júrgiziledi. Qazir qysym tómendedi, jelilerdi syǵymdaý keshke deıin jalǵasady»,- dep habarlady kompanııanyń baspasóz qyzmeti.

Vıdeo - Lıdııa Smırnova

Avtor: Janna Musabaeva