Qostanaıda júk poıyzy men kólik soqtyǵysyp, eki adam qaza tapty

QOSTANAI. QazAqparat - Qostanaı oblystyq polıtsııa departamentiniń ókilderi poıyzben bolǵan jol-kólik oqıǵasyna qatysty jaǵdaıdy túsindirdi, dep habarlaıdy QazAqparat tilshisi.

«65 jastaǵy júrgizýshi «VAZ» markaly kóligin tizgindep kele jatyp, temir jolda baǵdarshamnyń qyzyl túsine ótip ketpekshi bolǵan. Júk poıyzymen soqtyǵys saldarynan avtokólik júrgizýshisi men 40 jastaǵy jolaýshy oqıǵa ornynda qaza tapty», - dedi vedomstvodan.

Polıtsııa jol-kólik apaty faktisi boıynsha QR QK 345-babyna sáıkes, sotqa deıingi tergeýdi bastady.

Buǵan deıin 11 shildede saǵat 14:35-te Qostanaı oblysy Prıtobol stansasy temirjol ótkelinde Tobyl-Qusmuryn ýchaskesinde jol apaty boldy.

Kýágerlerdiń aıtýynsha, «Jıgýlı» markaly avtokólik júrgizýshisi mashınalardy aınalyp ótip, júk poıyzy kele jatqan temirjolǵa shyǵyp ketken edi.