Qostanaıda jaıaý júrginshini kólik qaǵyp ketti

QOSTANAI. QazAqparat - Qostanaıda «Lada» kóligin mingen jas jigit jaıaý júrginshini qaǵyp ketti. Er adam alǵan jaraqaty saldarynan oqıǵa ornynda qaıtys boldy, dep habarlaıdy QazAqparat Qostanaı oblysy polıtsııa departamentiniń baspasóz qyzmetine silteme jasap.

«13 sáýir kúngi saǵat 22.30 shamasynda «Lada Prıora» kóligin júrgizip kele jatqan 2000 jylǵy jas jigit Qaıyrbekov kóshesi, 397-shi úıdiń qasyndaǵy jolmen ortalyqqa qaraı kele jatyp, joldyń ótýge tyıym salynǵan ornynan ótip kele jatqan 45-50 jastaǵy belgisiz er adamdy qaǵyp ketti. Oqıǵa saldarynan jaıaý júrginshi alǵan jaraqatynan sol jerde kóz jumdy», - dep habarlady polıtsııadan.

Júrgizýshi qan synamasyn tapsyrdy. Qostanaı qalalyq polıtsııa bólimi atalǵan oqıǵa boıynsha sotqa deıingi tergeý amaldaryn bastady.