Qostanaıda jarylǵan ǵımarattyń astynda taǵy úsh adam bolýy múmkin - TJD

<p>Qostanaı oblysy TJD basshysy Qaırat Qasym Amangeldi kentindegi ǵımarattyń opyrylýynyń mán-jaıyn bólisti. &nbsp;Onyń aıtýynsha, úıindi astynda taǵy úsh adamǵa deıin bolýy múmkin. Áńgime osy ǵımaratta jumys istegen kompanııa qyzmetkerleri týraly bolyp otyr. Alaıda úıindi astynda kásiporynnyń qansha klıenti bolýy múmkin ekeni belgisiz, dep habarlaıdy <a href="https://kaz.inform.kz/" target="_blank" rel="noopener">Kazinform</a> tilshisi.</p>

«Kamaztsentr» aýmaǵynda gaz-aýa qospasy jarylǵany týraly habar tústi. Ǵımarat opyrylyp qulady. Saǵat 15:00–de úıindi astynan úsh adamdy alyp shyǵa aldyq. Onyń biriniń jaǵdaıy aýyr. Aldyn ala tizim boıynsha, oqıǵa saldarynan 12 adam zardap shekti, olarǵa medıtsınalyq kómek kórsetilgen. Ekeýi úıine jiberildi, qalǵany áli aýrýhanada. Jumys berýshilerdiń tizimi boıynsha úıindi astynda úsh adamǵa deıin bolýy múmkin, biraq uıymǵa qatysy joq taǵy qansha adam bar ekeni belgisiz. ıAǵnı, bul klıentter bolýy múmkin. Sondyqtan qazir jumys júrip jatyr. Kásiporynnyń qandaı qyzmet kórsetkenin qazir aıta almaımyn. Kólik jóndeý, múmkin. Uıym basshylyǵynyń tizimi boıynsha olar úsh qyzmetkerdi esepke almaǵan», — dedi tilshilerge Qostanaı oblysy TJD basshysy Qaırat Qasym.

Onyń aıtýynsha, qurylystyń aýqymy men zaqymdanǵan tehnıkanyń kóp ybyrsýynan izdeý jumysy qıyndap tur.

«Qajet tehnıkany aıdap ákeldik. Kran ornatý úshin platsdarm ázirleý jumystary júrgizilgen. Úıindi astynda qalyp qoıǵandarǵa zııan keltirmes úshin kúrdeli aıla-sharǵy júrgizýden qorqamyz. Sondyqtan kúrdeli jumys qoldan atqarylyp jatyr», — dep qosyp ótti Q.Qasym.

Eske sala ketsek, búgin Qostanaıda 7 adam qıraǵan úıdiń astynda qalyp qoıǵany habarlanǵan edi.

Keıin úsh adam úıindi astynan shyǵaryldy.  

Jedel kómek qyzmeti 4 adam — Qostanaı oblystyq aýrýhanasyna, 7 adam — Qostanaı qalalyq aýrýhanasyna jetkizilgenin málim etti.