Qostanaıda Jánibek Tarhanǵa eskertkish qoıylady
02:55, 02 Qyrkúıek 2017
QOSTANAI. QazAqparat - Ataqty qolbasshy Jánibek Tarhanǵa arnalyp soǵylǵan eskertkish Almaty qalasynan Qostanaıǵa ákelinbek, dep habarlaıdy QazAqparat.
Eskertkish qoıýshy toptyń biri - «Asalııa» kompanııasynyń dırektory Dýlat Shaıahmetovtiń aıtýynsha, batyr beınesi jaqyn kúnderi qoıylady. Eske salsaq, aǵymdaǵy jyldyń naýryz aıynda bastamashyl top bılikke eskertkish ornatýdy usynǵan bolatyn.
Aıta keteıik, Shaqshaq Jánibek eskertkishi Ýralskaıa, Karbyshev jáne Máýlenov kóshelerin jalǵaıtyn aınalmaly joldyń ortasyna qoıylmaq. Batyr eskertkishiniń bıiktigi -14,45 metr.