Qostanaıda jalǵan aktsız japsyrylǵan 23 myń bótelkeden astam alkogol ónimi tárkilendi
16:57, 04 Qazan 2022
ASTANA. QazAqparat – Qostanaıda jalǵan aktsızdik markalar japsyrylǵan 23 myńnan astam bótelke kólemindegi alkogol óniminiń 40 túri tárkilendi, dep habarlaıdy QazAqparat Qarjylyq monıtorıng agenttigine silteme jasap.
«QMA Qostanaı oblysy boıynsha departamenti buryn tirkelgen sotqa deıingi tergep-tekserý derekteri boıynsha kontrafaktilik esepke alý-baqylaý tańbalary bar alkogol ónimderin saqtaý jáne satýmen aınalysqan JShS quryltaıshysyn áshkereledi. Tintý kezinde anyqtalǵan qoımalardan jalǵan aktsızdik markalar japsyrylǵan 23 myńnan astam bótelke kólemindegi alkogol óniminiń 40 túri tárkilendi. Іs boıynsha tergeý jalǵasyp jatyr», - delingen resmı habarlamada.
Foto: ivteleradio.ru