Qostanaıda zeınetkerlerge arnaǵan ýnıversıtet ashyldy

QOSTANAI. QazAqparat – Qostanaıda A.Baıtursynov atyndaǵy ýnıversıtet janynan zeınetkerlerge arnalǵan ýnıversıtet ashyldy. Bul týraly QazAqparat tilshisine «Kúmis ýnıversıtet» jobasynyń úılestirýshisi, A.Baıtursynov atyndaǵy QMÝ-dyń qashyqtan oqytý jáne qosymsha bilim berý ınstıtýtynyń dırektory Azamat Jakeev aıtty.

QMÝ-da «Kúmis ýnıversıtet» jobasy iske qosyldy. Á.Jakeev aıtyp ótkendeı, bul – áleýmettik qyzmet kórsetýdiń ınnovatsııalyq túri, ol ózin-ózi damytý maqsatynda egde jastaǵy azamattardy oqytýdy kózdeıdi.

«Jobany iske qosý kezinde biz 18 negizgi baǵytty anyqtadyq. Bul – kompıýterlik saýattylyq, onda biz zeınetkerlerdi áleýmettik jelilermen jumys isteýge jáne paıdalanýǵa úıretemiz. Quqyqtyq, ekonomıkalyq, veterınarlyq, ekologııalyq, agronomııalyq, psıhologııalyq baǵyttar bar, sondaı-aq tildik kýrstar, fılosofııalyq baǵyt, medıasaýattylyq jáne basqalar bar. Oqý ýnıversıtet qabyrǵasynda ótedi, kýrstardy JOO oqytýshylary ótkizedi. Sabaqtar 15-i kúni bastaldy», - dep atap ótti joba úılestirýshisi.

Sabaqqa barlyq nıet bildirgen zeınetker qatysa alady. Olardyń eń úlkeni – 80 jasta.

«Qazir bizge zeınetkerlerden kóptegen ótinishter túsip jatyr. Eger jobanyń basynda tek 30-ǵa jýyq adam oqýǵa nıet bildirgen bolsa, búginde olardyń sany 160-tan asty «, - dep qosty A.Jakeev.